| 今日係冬至
連埋夜晚喺屋企食飯
我今日總共食咗三餐「做冬飯」
因為一朝早我地入咗菜園村同班村民做冬
晏晝就老細請飲茶
今次入去見班村民就比上次開心好多
因為上次佢地成班人剛剛去完立法會開會搞到好唔開心
班村民好客氣, 整咗好多嘢俾我地食, 仲非常之咁好味!!
有客家咸湯丸, 蘿蔔糕, 仲有佢地自己種嘅菜心, 真係食過番尋味!!
其實上次第一次入菜園村, 我已經對呢個地方好有親切感, 因為好似以前阿爺住嘅圍頭村
相入面除咗有班村民之外, 仲有楊生, 同埋成日教我好多嘢嘅隊長同Kaven
我明白大城市係要隨住時代進步而急速發展
而現代人又要成日講環保, 講真, 又有幾多人真係唔係得個「講」字?!
浪費N咁多嘅人力, 物力, 資源同金錢開個氣候高峰會
到頭來咪又係得個桔?!
而家活生生一個「菜園村」嘅例子呈現眼前
雖然「菜園村」同氣候高峰會好似無咩關係
但其實正好可以俾我地呢班自取滅亡嘅人類藉此作出一絲嘅反省
唉... 不過算啦, 又有幾多人真係會反省?
|
| |
| 今晚十一點先放工
雖然我呢兩個禮拜係返十點
但... 真係攰到..... 
|
| |
| 天呀... 來緊又跌番去市區12度, 新界再低兩三度嘅日子.......
好彩, 今日第一日返十點更, 終於可以似番個人
起碼起身返工係見到光同見到人
咁就會覺得自己變番係「人」嘅一份子
不過遇著咁凍, 點都係......
|
| |
